“HERRIXA MUNDUAN"

San Pedroko kanpaiak makilak bihurtu dira berriak ekartzeko.

Bibrazioak izango baitira keinuak kontzientziak esnatzeko.

Herri bat gara mundu osoari erakusteko.

Eskoriatzarrak, hain zuzen, herriko taupadek txalapartaren zein

danborraren laguntzaz, horixe bera, adierazteko. 

Aurresku dugu agurra; identitate dantza bikaina

Koroa, aldiz, abizenak airera kontu kontari, ahotsak lirainak.

Airetik zerura, bidea zabaltzen goaz, mendietan oztopoa ez igartzeko.

Geure umeek eramango dituzte motxila barnean

 emandako zein jasotako agurrak ; bidea zabaltzeko.

Horrela apurtzen baitira jarritako mugak, etorkizunerako. 

Trikitixaren eta gitarraren fusioaz mundu-bira egingo dugu;

Ikusteko zenbat parteka dezagun, ene lagun.

Zatoz eta konturatu! 

Sentimenduak gitarraren baten ahotan, palmek mozten dute airea,

gonak  bueltaz buelta, giraka, konpasa aurrera eramanda.

Takoiak deika eta deika jendeari esateko;

Esna zaitez jada! Esna zaitez behingoz!

Airetik jaso airera bueltatu, energia osoa.

Herriko taupadak bihotzetik muineraino sartzen baitira.Demasa! 

Europara heltzen gara korru bat eginda; eskuak, kantak, soinuak, dantzak,

bihotz taupadak eta elkarlana. Erruekin zein perfekzioekin esateko Europari:

Euskadi badu bere lekua, Euskadi badagoela munduan,

Euskadi badu zer esanik! Ikaragarriak garela seguru aski! 

Salto egingo dugu karibera; kolorea, berotasuna, gozo gozoa.

Mokorren mugimenduek erakutsiko digute alaitasuna nondik datorren,

Tristura agertu arren gainditu ahal izateko; gailur guztiak eta ozeano oro.  

Bide honetan, meditazioa badu bere unea: tai-chiren  eskuz konturarazteko;

zeintzuk garen munduan.

Eman eta jaso, jaso eta eman, hor dago gakoa. Armoniaren bidea, orekaren zentsua.

Abanikoaren soinuaz jasoko dugu muina; heldu da esna izateko ordua, bat garelako munduan.

Denok sortzen baitugu Amalurraren barnetik, hauxe bere uluak; UUUUUMMMM. 

Argia pizten da bide honetan; atzean datozen guztiontzat jarraitu behar badira, gal ez daitezen tartean.

Gu sortu ginen enbor beretik eta seguru izan Xabier Lete sortu beharko lirateke besteak: Eskoriatzarrek argia piztuta utziko dugulako hamaika bat bihotzetan.

Herrixa munduan eta mundua geure herriaren barnean.                     

                                                                                Marisol Andrade.